დევნილთა, ეკომიგრანტთა და საარსებო წყაროებით უზრუნველყოფის სააგენტო

ცხელი ხაზი - 15 05

ორშაბათი - პარასკევი 09:00 - 18:00

ეკომიგრანტთა განსახლება

სააგენტო სტიქიური მოვლენების შედეგად დაზარალებულ ოჯახებს საცხოვრებელ სახლებს შეუსყიდის.

ეკომიგრანტი ოჯახების განსახლების შესახებ გადაწყვეტილებას  კომისია, კრიტერიუმების შესაბამისად, იღებს. კომისიის მუშაობაში სახალხო დამცველის ოფისისა და სხვადასხვა საერთაშორისო და არასამთავრობო ორგანიზაციის წარმომადგენლები მონაწილეობენ.

დადებითი გადაწყვეტილების შემთხვევაში, ოჯახს ერთთვიანი ვადა ეძლევა, რათა შესასყიდად თავისივე შერჩეული სახლი წარმოადგინოს, რომელსაც სააგენტო საექსპერტო შეფასებების შემდეგ, 25 000 ლარის ფარგლებში შეუსყიდის.

პროგრამის ფარგლებში, საცხოვრებელი ფართის შესყიდვის მოთხოვნით განაცხადების მიღება უწყვეტ რეჟიმში მიმდინარეობს.

2015 წლიდან, 2004-2012 წლებში ეკომიგრანტი ოჯახებისთვის სარგებლობაში გადაცემული,

სახელმწიფო საკუთრებაში არსებული უძრავი ქონების დაკანონების პროცესი დაიწყო. პირველ

ეტაპზე საცხოვრებელი ფართების იდენტიფიკაციის, საკადასტრო აზომვითი ნახაზების

მომზადებისა და განსახლებული ოჯახების მონიტორინგის სამუშაოები ჩატარდა. ხოლო 2016

წლიდან კი, საცხოვრებელი ფართების კერძო საკუთრებაში გადაცემა დაიწყო და ეს პროცესი

დღესაც მიმდინარეობს.

ეკომიგრანტ ოჯახებს სახლის შესყიდვის მოთხოვნით,   განაცხადის შევსება,  სააგენტოსა და მის ტერიტორიულ სამმართველოებში და ქვეყნის მასშტაბით არსებულ ნებისმიერ იუსტიციის სახლში შეუძლიათ.  პროექტის ფარგლებში, განაცხადების მიღება მუდმივ რეჟიმში მიმდინარეობს.

დევნილთა, ეკომიგრანტთა და საარსებო წყაროებით უზრუნველყოფის სააგენტო:

  • ქ. თბილისი, თამარაშვილის ქუჩა N15ა
  • ქ. გორისამების ქუჩა N1;                            
  • ქ. რუსთავი, ცურტაველის ქ. N5ა;
  • ქ. ქუთაისი, ი. აბაშიძის გამზ. N27;